Per leggere il testo completo clicca sul logo seguente:

Tal dulintôr di Gonars, oben intal teritori comunâl, si cjàtin plusoris olmis di ete romane, venastâi segnacui di rigores e di limites , cualchi toponim prediâl , ma ancje vançums che i archeolics a studiin cetant volentîr: tocs di madons e di cops, tassei di mosaic, bêçs di ram e di arint, veris e piçui imprescj che si dopravin ogni dì. No mancjin robis plui impuartantis, come sapolturis, tombâi cun scritis, un poç e vie indenant . Ae fin, no podìn dismenteâ un pâr di stradis che, almancul par chel che al rivuarde il percors, a son restadis, pôc su, pôc jù, come che a jerin a chei timps .
Stant la presince di dutis chestis olmis, si podares pensâ che al sedi facil capî ancje se, tal teritori dal Comun, al jere incressût, salacor, cualchi piçul paîs. Cuant che si fevele di un paesut di ete romane, il pinsêr al va simpri a chel Antonianum che, daspò, al è deventât "Antognan" (Ontagnan pai plui zovins, che a cognossin mâl la lenghe furlane). Ma Antonianum nol jere in chei timps, un paesut; al jere, postâi, un predium, venastâi une tignude agricule che, dal sigûr, e veve une vile dominicâl cualchi lûc pai contadins: puaris cjasutis, cualchi stale e vie indenant. Difat, pôc lontan dal centri, alc che al podares fâ pensâ a cualchi abitât agricul al è stât cjatât, seial parmîs de gleseute di San Martin che su la Stradalte, cence dismenteâ il sît dai Naroncs, pôc disot de anconute de Madone .

(segue)